HAQQIMIZDA

Bizim fərdi açıqçalarımız pərilərimizin əsas ilham mənbəyidir. Sizin özəl hekayələrinizi oxuyaraq, hər bir detala fikir verərək, əlimizdən gələni edirik ki, nəticədə mükəmməl bir hədiyyə ortaya çıxsın. Bizə təkrar müraciət edən müştərilərə kömək edirik ki, bizim sehrimizi bütün ailə üzvlərinə/dostlarına/kolleqalarına çatdıra bilsinlər.

Müştərilərimizin ehtiyaclarına uyğun xüsusi kartlardan tutmuş, maraqlı hədiyyələrə kimi geniş çeşiddə korporativ xidmətlər təklif edirik. 20-dən çox yerli və beynəlxalq şirkətlərlə çalışıb, kifayət qədər təcrübə yığan pərilərimiz, müştərinin istəklərini təhlil edib, onlar üçün xüsusi hədiyyə hazırlayırlar.

Pərilərimiz toy və toyla bağlı bütün kiçik detalları çox sevir. İstedadlarını istifadə edərək müştərilər üçün fərdi dizaynda dəvətnamə, stikerlər, kartlar hazırlayaraq, bu özəl günün ab-havasını qonaqlara çatdırırlar. Bundan əlavə, siz artıq mövcud olan dizaynda dəvətnaməni seçib, öz detallarınızı da əlavə edə bilərsiniz.

Nərgiz pəri yox, əsl ifritədir. Onun əsas həyat məqsədi müştərilərin maillə sifariş verməsi, qaqaşlara uyğun açıqçaların hazırlanması və keyfiyyət kontorludur. Heç bir əyri kesilən lent ucu, orfoqrafik səhv və ya unudulmuş vergül onun nəzərindən qaçmır.  Əslində ifritə olmağına baxmayaraq, pərilərdən hər gün saat 10:00-19:00 a qədər sehirli enerji alır. Bizim kiçik komandamız onu həyatın heç də qısa və mənasız olmadığına inandırır.  O isə həyatını müsbət müştəri rəyləri, gözəl kağız-kuğuz və işinə olan sonsuz sevgisi üçün yaşayır.

Tanış olun, Türkan sizin dizaynerinizdir. O, günün ən soyuq və qaranlıq vaxtlarında belə ofisdə yaşayır və mühafizəçiləri qorxudur. Kofein və istifadəyə yararlı olan (dadlı olmasa da olar) bişintilərlə dolanır. Gördüyü işi sevdiyi üçün hər zaman gülümsəyir, hətta qözü yaşlı olsa belə. Müsbət xüsusiyyətləri: hamıya çox əzizdir. Mənfi xüsusiyyətləri: zədələnmiş sinir sistemi, eynəksiz qara paketi itdən fərqləndirə bilmir.

Danışa danışa daşıda dilə gətirə biləcək insan. Sədərək alverçilərinin qənimi Lalə  gözlediyinən artıq endirim əldə edəndə sevincinən yerə göyə sığmır. Dinc oturmaqlar susmaqla olmadığı kimi heç arası yoxdu amma bu keyfiyyətlərinə baxmayaraq bütün dünyanı ələk-vələk eliyib  hədiyyənizin mükəmməl olması üçün o həmən kiçik düyməciyi tapmağa hazırdı.

Sizin bütün məsələlər üzrə baş məsləhətçiniz, yerli psixoloqunuz və lazımı əşyaların seçilməsində köməkçinizdir. O, gülüş üzrə usta və inanılmaz dərəcədə səbri olan pərimizdir. Özünə şirin buliçka deməyi sevir və meyxanaya qulaq asır.

Əgər birdən ofisdə hər hansı bir əşyanı yerinə qoymasanız, Delyanın kefinə soğan doğramış olarsınız! Perfeksionist pəri – Delya əlindən gələni edir ki, ofisdə hər şey qaydasında və öz yerində olsun. Bundan əlavə, o, həm də bizim satış nöqtələrini də nəzarətdə saxlamağı bacarır! Hər həftə satış nöqtələrinə yeni açıqçalar, ekoçantalar, pinlər, skeçbuklar və çaylar çatdırır ki, müştərilər istənilən məhsulu rahatlıqla tapa bilsin. Delya olmasa, ofisdə lent, düymə, ip və s. çatışmamazlığı yaşanar, çünki o, şərəflə “Sədərəyin şəhzadəsi” titulunu da daşıyır (“Sədərəyin kraliçası” titulu digər pərimiz – Laləyə məxsusdur)

Leyla sizin albomlarınızın əsas müəllifidir. Yapışqanlardan çox istifadə edir və bu zaman digər pərilər onu “çox” sevir:) Albomlarınızın bütün kiçik detallarını xüsusi sevgi və şəvqətlə düzür. İşə sanki dadlı yeməklərlə dolu soyuducuya yaxınlaşar kimi, təbbəssümlə gəlir:)

Aynur bizim təqaüdçü pərimizdir və məhz buna görə bütün digər pərilər sanki onun övladlarıdır:) Uşaqlıqda əmək dərsindən verilən tapşırıqları anası və nənəsinin köməyi ilə edən Aynur, indi nəinki qızının düymələrini, hətta müştərilər üçün xüsusi albomlar belə tikməyi bacarır.

Sizcə kim İnstagram səhifəmizi maraqlı aparır və sifarişlərin yarısını qəbul edir? Əlbəttə ki, Nərmin! O məqsədlərinə hər cürə nail olmağı bacarır, gözəl çilləri buludlu günlərdə ofisimizi işıqlandırır, səliqə-səhmana olan sevqisi isə heyran edir. Böyük məharətlə İnstagram-story çəkməyi, bərabər e-mail’ları cavablandırıb sifarişləri yoxlamağı və digər bacarığları şübhəsiz ki Sezarı belə valeh edərdi.

Zülfiyə komandamızla birgə sizin əzizlərinizi və dostlarınızı öz əl işlərimiz ilə sevindirməyə və təəccübləndirməyə  hər zaman hazırdır. Ümid edir ki, qəlbi və əlləri ilə hazırladığı əl işləri sizin dünyanızı gözəlləşdirəcək.

Ninka da nəinki pərilərə həmçinin dovşanla da rastlaşa bilərsiniz! Tanış olun dovşan Nigar! O, dəvətnamələr üçün sifarişlər qəbul edir, hazır açıqçaları satış məntəqələrinə çatdırır və İnstagram da sizin üçün postlar hazırlayır. Onun duzlu- məzəli zarafatları və simiçka gözləri bütün feyaların könlünü oxşayıb.

Bizim şourumda əl işi açıqçalar və maraqlı hədiyyələr var. Burada “Kelagayim”-dan rəngarəng kəlağayılar,  “Zadagan”-dan gözəl süfrələrə nəzər sala bilərsiniz.

Sevdiyiniz tematik açıqçalardan birini və ya “Art of Kubachi”-dən ekslüziv zinyat əşiyaları seçə bilərsiniz. Şourumda həm də pərilərimizin ən gözəl əl işi nümunələrinə də baxa bilərsiniz.

Hətta bu maraqlı foto belə bizim istedadlı pərimiz tərəfindən çəkilib. Gördüyümüz bütün işlərlə qürur duyuruq.

Dəvətnamənin detallarını dizaynerimizlə müzakirə edərkən, bu rahat kresloda dincələ bilərsiniz. Sizin istəklərinizə əsasən sıfırdan yeni dizayn hazırlayıb, bu möhtəşəm günü unudulmaz etmək üçün əlimizdən gələni edəcəyik.

Qırmızı kərpic divarlar, iri pəncərələr, pərilərimizin ilhamlanması üçün hər bir detalı düşünmüşük. Təqvimlər, albomlar, əl işi oyuncaqlar, hədiyyə qutular, biz də hər şey var!